Freitag, 17. Juli
Höt am Morge hend üs drü Superhelde gweckt,
well de Hook hed ehri Superchraft versteck.
d Chend hends weder genial gmacht,
ond d Helde erstrahlet weder in voller Pracht.
au de Obe esch super gsi,
aber leider esch jetzt s lager au scho verbi.
meh gez eigentlech ned z verzähle,
osser dass ez d Mmis weder mönd schwenge d Chelle.
ond öbrigens: füecht esch weniger nass als nass.
Donnerstag 16. Juli
Die ganz Nacht hemmer ufgrumt,
so hemmer de Schlaf versumt.
De Robin Hood hed om Helf gruefe,
darum hemmer ehm ganz schnell gholfe.
Met Farb ond Pensel semmer los
und hend zeichnet grandios.
Uf d Jagt semmer ih Wald
ond hend Wienerli gfonde bald.
Veli Bäll send bim Völki gfloge,
geschwitzt hemmer das esch ned gloge.
Zäni esch gsi, d Chend im Bett,
jetzt getz Rache und zwar fett.
Mittwoch, 15. Juli
Met Pfanne ond Bass, wecked mer d'chender ond das ganz krass.
Met em Chläbi of em Mul,
torne mer ganz cool.
Die 7 Zwärge send erschreckt,
well die Bösi Häx heds Schneewittli versteckt.
Die bösi Häx seid:
" Ohni Zaubersproch getz nor leid!"
Met de Zwärgeshow sueched mer üsi Frau,
denn en Afüererin bruched mer au.
Mer Fighted om de Trank,
das esch en grosse Chrampf.
De Sieger hed die grossi Ehr,
Schneewittli zrette das freut üs alli sehr.
De Meitschitag esch üs super glonge,
denn er hed üs vell Spass bronge.
Dienstag, 14. Juli
Höt send alli gweckt worde met Chochlöffel ond Pfanne,
drom heds üs alli ghaut ab de Stange.
Wäge de ahschliessende Wasserspeli semmer alli ganz nass,
ond d Sonne macht üs au nömme ganz blass.
I de Reihe stoh mömmer no chli üebe,
aber trotzdem hend alli bem Zähndpotze es vergnüege.
Bi de Speli metem Schlamm,
helft ahschliessend au kei Schwamm.
Am Obig hemmer üs alli bimene Felm chönne entspanne,
ond scho esch au dä Tag weder vergange.
Montag, 13. Juli
Noch dem feine Zmorge,
hemmer gha en lockere Morge.
Sonntag, 12. Juli
De Rudolf het eus am morge bsuecht
und drufabe hemmer de Heiwäg gsuecht
vom 3TP send alli guet hei cho
und hend am Nomitag ufem Heisse Stuehl platz gno
swösse vo de chend hemmer kontrolliert
und Leiterinne hend sii mit Wasser attakiert
am obig hemmer met em Rudolf Weihnachte gfiiret
höt werd ned lang gscheret
Chend und Leiterinne sind nöm so fit
drum gömmer höt alli gli is Bett
sLager esch trotzdem en riiiise Hit!
Samstag, 11. Juli
Ah dem heisse Morge
hemmer zom Glöck kei Essenssorge,
denn alli Groppe send flissig gsi,
drom luege mer au alli super dri.
nochem Zmorge semmer alli losgange
ond hend üs in Agarn ide Liane verfange.
Üses Ziel esch gsi in Agarn
d Jane zfende för de Tarzan.
Im Urwald hends müsse Gegenständ sueche,
aber gfonde hends leider kei Chueche.
Schlossändlech hed de Hook s Versteck verrote,
bevor er d Jane hed chönne brote.
Jetzt trenned sech eusi Wäge
ond mer mönd euch tschüss säge!
Freitag, 10. Juli
Noch de Jane erem Verschwende,
eschen Helferuef cho zo de Chende!
Ab is Bett gschwend,
ond am Morge uf wie de Wend.
Dorab esches gange ganz rassig,
ond ufem 3TP hemmers spassig;)
Verschedeni Schlofplätz hemmer gfonde,
eifach esch es ned gse, trotzdem esches eus glonge.
Eusi Suechi noch de Jane esch noni verbi,
mer hoffend, mer gfendet sie gli!!!!
DChochi esch z'Visp am dorffäscht, dä gsang do ged üs de räscht!!!
Donnerstag, 9. Juli
Am Morge hed de ganz Spuck scho ahgfange, ond d chochi hed gschwengt d Pfanne
Nochem feine Znacht
hemmer im Pyjama Posteläuf gmacht
Öber Pioniertechnik ond ersti Helf hemmer vell glehrt,
denn hed sech d Welt aber scho weder kehrt
Zom Ässe send gfesslet alli chend
ond dosse weht en starche Wend
Am Nomitag hemmer gha es Spelturnier
ond scho weder chond en Botschaft uf Papier
Die Leiteinne eri Rögge send rot,
ond zom znacht hets gä es Zmorgebrot.
D Groppestonde send au gsi
ond de ganzi Spuck esch bald verbi
Mittwoch, 8. Juli
D´Fläschepost vo nem Anonyme Absänder het üs en Hilferuef gscheckt om de Nemo d´sueche. Mer hend üs drom met em Marlin ond de Dori uf e Wäg gmacht de Nemo ufsueche. Üsi Suechi hed üs id Badi in Visp gfühert. Det hemmer de Nemo füechtfröhlich im Becki plansche gseh. Paar Minute spöter hend au mer döffe üs im Wasser amüsiere.
Als Dank vom Marlin, dass mer de Nemo gfonde hend, hemmer alli en Spa-Guetschin becho. Somit hemmer de Obe in aller gmüetlichkeit usklinke loh.
Dienstag, 7. Juli
De Uftrag wo mer vo de Pocahontas becho hend, hemmer met Bravour gmeischteret. Im hötige Fightgame hend mer üses könne weder chönne onter Bewis stelle.
D'Pocahontas esch üs sehr dankbar gse, was mer för sie gleischtet hend.
Als Dank hed sie üch e chli Zauberstaub ond Fädere gä, wo mer am Nomitag cooli verschednigi Sache drus hend chönne bastle.
Am Obig heds es loschtigs Theater gä, wo alli metgwerkt hend.
Montag, 6. Juli
Mer hend guet gstartet ih euses Lager
ond das esch ned nor Gelaber
de Peter Pan hed eus secher gleitet
drom send mer au ned gscheiteret
glandet semmer im Neverland
where the time never end
chum semmer ah cho
esch d Tinkerbell dra cho
sie esch verschwonde
ond erst am Schloss hemmer sie weder gfonde
im Dorf hemmer sie müsse go sueche
d Hetz hättet mer chönne verflueche
am Obe hend d Chend gfightet wie weld
dass hed au gäh es schöns Beld
de ersti tag esch verbi
heej, wie gsend mer scho dri!