Unser Kantonslager ist nun vorbei.
Deshalb haben wir hier alle Erinnerungen an die Unterwasserwelt.
In der Luzerner Zeitung findest du unsere Berichte.
Ihr wollt zu Hause etwas Lagerfeeling haben? Dann hört doch mal hier rein!
En Pille hemmer entwickelt ganz schnell,
ond d Sonne schiint a üsem Ahreisetag ganz grell.
Gfahre semmer met em Velo uf üse Lagerplatz,
üsi Zält hemmer igrechtet ratzfatz.
D Pille hend nömm gwirkt,
doch de gfondnig Trank hed Wonder bewirkt.
Am Nomittag hemmer üsi Hochboute usbaut,
ond üsi ersti feini Mohlziit verdaut.
Met Stafette hemmer üs kenneglehrt,
ond somet üses Wösse vermehrt.
Am Morgen semmer gweckt worde vom Räge, dass esch leider kei Säge.
D Regechleider send montiert worde,
ond üsi hoffnig uf bessers Wetter esch gstorbe.
Mer hend Werwölfe, Uno ond Stadt, Land, Floss gspelt am Morge
ond d Gräbe send grabt, mer möched eus kei Sorge.
Gommistefel , Regejagge ond -hose tröchned ez am Füür,
well neui Sache send ebe scho tzür.
Am Orientierigslauf hemmer eus chönne bewiese,
darom hed üs d Arielle chönne uf eh Weg vom Fesch hiwise.
Nochere chorze aber trochne Nacht
Hemmer eus, ohni die verlorni Schatzcharte, för es neus Abentür parat gmacht.
Met üsne Velos semmer dör Rotchrütz zom Wald gfahre,
Ond hend de Seilpark als ersts tested vo all dene Schare.
Dör d’Bäum semmer i de Höchi klättered, hend abgseiled ond vell Karabiner gsetzt,
Ond zom Glöck hed sech debi de ganz Tag niemmer verletzt.
Nochem Siebdrock, em erste Helf Block und weder mol Räge,
Hemmer zom Znacht alli lääri Mäge.
Drom hemmer eus gstärkt ond för d’Haifisch wo eusi Schatzcharte hend zäme to
Ond zo eusem Glöck hemmer d’Haifisch usenand gno.
Duschet hemmer lang,
drom semmer jetzt berat för de Tüüfgang.
Bi de Mission Maritim hemmer kämpft,
de Räge hed eus debi gar ned dämpft.
Gfonde hemmer de Schlössel im Chogemfesch,
drom setze mer alli a Tesch.
Etz düemmer denn starte met dekoriere,
dass Fiesta Testa au dued fonktionere
Etz esch Rueh met Räge ond Wend,
drom gönd etz alli is Bettli gschwend.
Am Morge hemmer es Speltornier gmacht,
nor leider eschs mutiert zor Schlammschlacht.
s‘Scheff versänke am Nomittag, hed eus ganz vell Spass bereitet,
om eusi Rohstoff hemmer motiviert gfightet.
Am Lagerfüür semmer gsässe,
ond hend debi es feins Chili Con Carne gässe.
Well eusi Loft onder Wasser langsam werd knapp,
wärdid eusi Sengkönst rechtig schlapp.
Etz hoffe mer eusi Loft chond morn weder zrog,
ond dass eus ned ide Nacht stört en Mogg.
Met de Tablette send d Leiterinne verschwonde,
doch zom Glöck hemmer sie weder gfonde.
Zum witerschnuufe hemmer d Tablette ihgnoh,
do dröbert semmer sehr froh.
Ah de Olympiade met de Jungwacht esch kämpft worde, drom möchemer üs förs Fiesta Testa kei sorge.
S ässe vo de Chochi hed üs gmondet,
drom hemmer de Stärnehemmel erkondet.
Noch dem mer en Spongbob Folg gluegt hend,
gömmer is Bett well mer wend.
Sonnestrahle am Morge semmer üs nonig gwöhnt,
drom düemmer länger schlofe, wie verwöhnt.
Die neui Chochi wett sech grad bewiise
ond duet drom en Brunch ogranisiere, ond verspiise.
Zält ufruume, Chleider tröchne ond Charte schriebe,
genau eso düemmer Ziit am Morge vertriibe.
Wasser am Bode hemmer jetzt gnueg,
drom geds jetzt Wasserspeli met Pistole ond Chrueg.
Girlande hemmer Dank de Dorie gfonde
ond de Obe werd met Singsang am Lagerfüür abgrunded.
Üsi Leiterinne verschwindet schnell,
defür schiint d Sonne hell.
De Tag isch sehr warm,
das het au mol sine Charme.
Bim Postelauf sueched mir üsi Chartestück,
uf de Titanic hend mir mit em reise wenig Glück.
Um Tickets für Rettigsboot kämpfet mer,
und Spass machts üs das sehr.
Bim Morgesport simmer am güsse,
aber de Obig dömmer gnüsse.
Noch de Retourfahrt met em Schiff
hend d'Leiterinne weder alles voll im Griff
Bem Spelfäst hemer üsi Dekoration förs Fietsa Testa erkämpft
ond debie nor no as z Mittag dänkt.
Of Notfallsituatione wäred die jöngere Meitli gröstet
au wenn üs das ned so glöstled
En erfolgriche Tag hemer ka und hend ne met nem Film loh usklingle lo
Die ältere beide Groppe send uf Wanderschaft gange
ond hend sech zom Glöck kei Sonnebrand gfange
Im See hend sie chöne go bade
und spöter no ere Süessigkeitevorrot uflade
Popcornzuetate erkämpft hend mer,
gfightet hend d‘Meitschi ond d‘Buebe sehr.
Zom Zmettag heds gäh Madeira Schenke,
zodem semmer alli chli am stenke.
De Nomitag esch schnell met Ateliers verbi gange,
denn mer dönd ufs Fiesta Testa plange.
Vell öbers Thema Wasser hemmer dörfe lere,
ond d‘WC weder mol müesse spere.
D‘Muschel Maruschel hed üs eri Perle zeigt,
bevor sech de Tag bem Fiesta Testa im Endi zue neigt.
De Sid, Manny ond Diego hend üs gweckt am Morge,
dass s Iis schmelz macht ehne grossi Sorge.
Bim Survival hend die ältere Meitschi oms Öberläbe kämpft
doch bide Jonge im Völki heds Stemmig gar ned dämpft.
Binere Schnitzeljagd semmer s'Dorf go erkonde
ond de z'Vieri-Schatz hed allne sehr gmondet.
D'Hochboute send wäg gsi ratz fatz
ond vermisse dömmer ne jetzt scho chli dä Spatz.
S'ganze Riff hed sech troffe oms Lagerfüür am Obe
aber d'Mogge dönd üs ganz fest ploge.
Mer hend höt wedermol alles gäh
drom chömmer s'rettende Schiff no näh.
Die Jöngschte send met de Fesch goschwemme.
Während die Ältischte gwecht düent stämme.
D'Sonne beschinnt üs de ganz Tag
Bes jeder fo eus nöm mag.
Doch de Abbou god rasch vora
do semmer alli glöcklech hurra.
De Obe brecht schnell ih
ond mer lüütet de botii Obig ih.
Met Theater ond vell Getanz
zeigend chend ehre Glanz.
I de Nacht onder em freie Hemmel schlofe,
so das mer morn ned verschlofe.
Verbrocht hemmer onter freiem Hemmel d'Nacht,
gweckt hends üs deför ganz sacht.
Packt ond abbout hemmer all üsi Sache,
debi esch üs ned vergange üses lache.
D Sonne hed uf üs abe prallt, $
ond zu de Music hemmer alli glallt.
Met em Velo weder hei zrog,
öber en grossi Brog.
Uftaucht semmer us ehm Meeresgrond,
drom gömmer go schlofe velli Stond.